مدونة تنفيس

                                                                   مدونة تنفيس

 لم يسعني ان اصمت بعد ما رأيت ما حدث اليوم في جلسة مجلس الشعب بشأن سفر المتهمين الامريكان في قضية التمويل الاجنبي , العبره بينه و محدش يزايد ! نحن امام مسرحيه هزليه اطرافها هم المجلس العسكري الذي يستغل الحكومه لتكون هي المسئول الوحيد عن كل جرائمه , و الاخوان المسلمون حيث اني بدأت اشعر ان الاخوان يمثلون المتحدث الرسمي بأسم المجلس العسكري .. لا يخفي علي احد ان صلاحيات الجنزوري لا يوجد بها القضاء ولا الدفاع , و لا يمكن له التدخل في امر مثل هذا ! غير ان ما لم تكن تتم هذه الصفقه بدون علم و موافقة بل و توقيع قيادات المجلس العسكري المسئول عن ادارة شئون البلاد عليها .. معلش نرجع بالذاكره شويه كده , و نفتكر لما رفض الشباب الثوري في شهر نوفمبر الماضي قرار تعيين الجنزوري من البدايه , و بدأوا في اعتصام ثم مذبحه مجلس الوزراء , و الاخوان لم يكن ليقولوا كلمة أعتراض ضد الحكومه لأرضاء المجلس العسكري. و راح ضحيتها محمد مصطفي و علاء عبد الهادي و الشيخ عماد عفت و اخرون , و لم نسمع كلمة واحده من الاخوان , و خرج مسئولين المجلس العسكري للأعتذار , اعتذار عن ايه ؟ يتمت ولاد و قتلت شباب و شيوخ و عريت نساء .. النساء تعرت في الشارع من اجل الدفاع عن ثوره ! و من اجل الدفاع عن فكره , علي فكره ((عرض المرأه هو شرف الرجل) و اثبتم انكم لا تملكون شرف او عرض .

و لكن الان بعد ما تبدلت الايه  , و بقت الحكومه هي الشماعه اللي يتعلق عليها اخطاء المجلس العسكري , نسمع صراخ  و اغماءات و ياني يا اممه و اصوات عاليه بشنبات تطالب بأقالة الحكومه و تشكيل حكومه اخري تعمل شهرين برضو تحت سيطرة طنطاوي و تنيل الدنيا و تغور في داهيه !.

بكل المقاييس نحن امام  كارثه ! النواب و الكتاتني حولوا الجلسه الي حرب كلاميه علي امريكا و ممسكوش في طنطاوي .. العادي!  , و محدش جاب سيرة ان شا الله نعجه سهلت سفرهم , و الوزراء عااااال العااال , كل واحد بيرمي بلاه ع التاني , و كل واحد يقول مش انا اللي اكلت الجبنه .. انا لا ادافع عن الحكومه لكني ضد تمجيد المجلس العسكري و محدش بيهش ولا بينش فيه ! ل تكونشي تمهيدات لخروجه الامن ؟! 

بالمناسبه اكتب هذه المدونه بعد قرار براءه الطبيب الجندي اللي اعتدي علي سميره ابراهيم و تورط في قضية كشف العذريه , ما طبعاً طبيعي ! اللي يعمل حاجه زي دي بأمر من الجنرالات الكبيره لازم يطلع براءه , و حق سميره يضيع , ده غير حق شهداء 25 و ضباط 8 ابريل و 8 يوليو و ماسبيرو و مسرح البالون و مجلس الوزراء و محمد محمود و بورسعيد .. يااا راجل اعتبره ابووك ! صباح الفل , انا شكلي بس كنت مزنوق في كلمتين و قلت انفس عن نفسي , مزعجكوش و كل ثوره و انتم طيبين .